ஒரு முறை கூட
திறக்கப்படாத
என் வீட்டு
ஆங்கில அகராதியின்
வார்த்தைகள் போல்
பெருகிக் கிடக்கிறது
இரண்டு அதிகாரங்களுக்கு மேல்
படித்திராத
திருக்குறளின்
காமத்துப் பால்
கொண்ட பொருள் போல்
நிறைந்திருக்கிறது
ஒரு தடவைக்கு மேல்
திண்ணப்படாமல்
அலமாரியில் விட்ட
காய்ச்சல் மாத்திரைகள்
வீசும் நெடி போல்
அடர்ந்திருக்கிறது
போதைக்குப் பின்
பாட்டிலுக்குள் மிஞ்சும்
கடைசிச் சொட்டு
மதுவின்
ரசாயனச் சிரிப்பில்...
தீர்க்கப் படவேண்டியவைகளின்
வரிசை வட்டமாக விரிதலில்...
புள்ளிகள் மோதும் கோட்டில்...
புரிந்து போகும் பூலோகமும் !!
????
புரியும்படி சொல்லக் கேட்கிறாய்...,
கழிக்க முடியாத
குப்பைகள் நிறைந்ததுதாண்டா
நீயும் நானும்
சேர்த்து சேர்த்து வைத்த
இவ்வுலகம் !!
